إذا كان السكوت من فضة، الكلام من ذهب
قالّو : يا عمي القنفود، آش بيك مكركب في شوكك ؟
قاااالّو : آش في وجوه الكلاب ما نشوف
Contrairement à ce que vous pourriez penser, ce proverbe tunisien par excellence, ne maltraite aucun animal.
مثل يلخص برشة حكايات من نوع “سقوطية“، “نفسي نفسي“، “بلادة و بهامة“، “شر و فرعنة“، “شيك و سمباتيك و رومنتيك“، “اخطا راسي و اضرب“، “آش قرّبك مِلْواد“، “الِّي خاف نجا“، “كلمة لا ما تجيب بْلاَ“، “برا هكّاكا“، “احييني اليوم و اقتلني غدوا“، “ربي يبقي علينا الستر“، “يمّا لسمر دوني“، “اعطيني نسلكها الساعة“، “توا نخمم و نقلك“، “شوف مع السيد المدير العام“، … ، الخ الخ من القيم الي عباتلنا بلاصة باهية في قمامة الحضارات من هاك العام [1]، و خلات الشعوب الصديقة و الشقيقة تتشمت فينا، و تصدرلنا هامر2 مرصوصة كلاشنيكوف و فستق متاع ايران
… يا ولدي المثل هذا، ما يتقراش
… تنطق بيه الاجناب، على ما كلات ضرب.
اجنابك تنطق و انتي مازلت تخمم في منحة العلوش و في كارفور وقتاش يسكِّرْ.
… كارفور، و جيان، و شمبيون ما يسكّروش يا بابا ، ما يسكروش
الإمتناع عن التصويت ظاهرة لا تعبر عن إرادة التونسي في مواصلة العمل على تدعيم الرصيد البشري و الطاقات الكامنة (كا تعيّط) في إيمانه بضرورة تظافر الجهود من أجل تحقيق الأهداف المنشودة و المرسومة من طرف السلطات المختصة
.. و مْبعِّد تقلّي شبيك تصيح ؟!؟
شبابنا، كان خرجْ للخارج، تولّي عندو نظرة متفحّصة للّي قاعد يصير في الداخل، و يعرف عادات و تقاليد الخارج قدّاشها خايبة و ما تسوى شيّ قدّام خنّارنا الدّخلاني، و ينبذ بالتالي الثقافة الدخيلة.. و يدخل في مداخل اُخرى، لا يتّسع المجال للدّخول في متاهاتها.
شبابنا، كان قعَدْ يُفْرُكْ دَخْلاني في الداخل (معناها يغزِّلْ، عبارة يستعملوها أمهاتنا)، ما يحبِّش يحِسّ روحو خارج عن الموضوع،
و يولِّي يِتكربص و يتكركب و يتشعبط، و يبدِّلْ مالتّروتوار كي يِتْعَدَّا قدّام الداخلية.
قالِّك أعطيني مُتنفس تَوّا نوَرِّيك آش انَّجِّمْ نعمل.
و لْقينا المُتنفّس
و بدا التّلاطيخ
و الرّيق
و الموزاييك تغنّي
و تونيزيانا فرحانة
و التيليكوم تعمل في المزِيَّة وْرا اُخْتها
تي هُوَّا الهلال عْمَل مزية و جاب العيد قْبَلْ الريفيييون بنهارْ
.. و مبعِّد تقولولي يزّي مِالتخلويض
خويا التونسي، كان تبّعت النشرة الجهوية و شريط الأنباء، و شُفت لجان الأحياء فاش قاعدة تعمل.. خير
Pray to god I can think of a nice thing to say
But I dont think I can
so fuck you anyway ..
“إذا كان السكوت من فضة، الكلام من ذهب”